重裝之地‧台灣露友心目中七件「最沒用露營用品」

眼見香港露營界朋友們愈玩愈大愈玩愈重愈玩愈多嘢，無懼千辛萬苦大背囊再加手拉車，都要將心水露營裝備一一帶去營地玩個痛快。不過買還買，千祁唔好買著啲冇用嘢。

論重裝露營，台灣嘅露友絕對係前輩，事關佢地營地多而且個個揸車Car Camp玩法，所以帶去露營嘅嘢隨時多我地一兩倍，咁好自然佢地賴過嘅嘢恐怕都唔少，有啲仲不菲添，近日台灣「露營瘋 – 露營分享社團」討論起沒用裝備，自己整理一下，排咗七件「台灣露友心目中七件最沒用露營用品」。

蛋盒呢回事，好多人都會入手，事關平平地十幾廿蚊就有一個，又諗起要煮餐好又點可以冇雞蛋，自然會買定一個備用。不過到去Camp時就會發現，其實而家去超市買蛋係有哂膠盒包裝，基本上你唔係搵好多嘢壓住佢都唔太擔心會爆蛋。

而且就好似台灣露友咁講，買咗細盒放大蛋的話，係一夾就爆，仲慘過唔用。雖衰喺蛋盒手上嘅人太多，不過損失唔太，所以比個第七名佢。

睇完圖唔知你會唔會同小弟一樣覺得好正，唔駛再周圍搵位擺嘢感覺真係好好，雖然睇落一啲都唔輕，不過視重量如無物嘅車camp界嚟講應該唔係死因。原來講到尾係話有好多嘢可以取代佢咁je。

有趣嘅係當有人話竹製折疊層架有乜用，想二手購入嘅朋友居然一啲都唔少！一時間成為咗買賣討論區。

夏天去露營大家都出盡方法去增加對流降低溫度，即係想涼浸浸咁啦。如果係用大營樓底較高，喺香港都見過唔少人用吊扇，不過評價都係差不多，就係唔夠風都fing嚟fing去。

敗過魚骨釘嘅香港朋友唔多，因為唔似得台灣有啲造好哂本地台嘅付費營地，如果要喺本地台上札營，最容易就係魚骨釘扣入板縫之間，如果唔係就要靠拉營繩去草地麻煩好多。

咁講到咁好，點解會成為第五位呢？就係因為木台個結構好容易令人一甩手就將支釘跌落台底永遠不見天日；另外如果個營底太大大過個地台，支釘亦都一樣無用武之地。

好多朋友都鐘意裝飾下個營，令佢有返自己Style，或者靚啲自己都開心啲。芸芸眾裝飾之中，串燈可以話扮演住一個舉足輕重嘅地位，究關你係咁易開幾串，已經有唔少路人會嘩嘩聲咁比注目禮。賴嘢位係由於佢嘅構造同形狀，令佢繞埋一餅之後好難先拉得返開，煩得兩煩下次就唔想再帶了。

「當另一半是裝備是哪招？ (國語)」當然留言係講下笑或者借啲易同人講自己唔係單身狗，不過都可以睇得出伴侶之間嗰種摩擦同埋張力。

其實仲有好多老婆、阿女、狗狗等留言，關係真係緊張到一觸即發。

如果淨係靠睇呢一堆留言，你可能會質疑點解呢個世上要有行動廚房呢件露營裝備面世，講到尾其實又係太重太大件咁，即係裝備多到嫌架車放唔落咁。用用吓就唔想再用。不過行動廚房嘅情況比較特別，支持者都唔少，理據係唔駛帶多張檯出嚟煮大餐。

而據講行動廚房喺二手區交易頻繁，有買有賣，生生不息。

雖然成篇文都係一路葡萄人地重裝一面介紹，不過既然大家唔敗都敗咗，不如就好好利用，或者好似台灣露友咁互相交易，相信總會有一日落到真正用家手上。