豁出去獨木舟漫遊 (三) 東龍島‧壅缸灣‧白腊
攪多一輪終於白腊登陸,白腊已經係旅程既必宿之地,2007年第一次來,都冇咩變,不過原來當年既高僧破戒百納士多已經比老外買左,都仲係做生意,有機會來幫襯下。
響壅缸已經醒水打定比白腊渡假山莊老細留房,仲講明唔好upgrade (要加錢ga),上岸就攞房,又住返舊式村屋,$400晚,唔錯唔錯~~ (2016年按: 聽講白腊渡假山莊因為某D原因唔再租房,有興趣可以打電話去問下先)。
入村路兩旁既廢田,吸引好多人黎影相。
Check in之後已經冇興趣周圍走,都係洗野,吹水,飲野之類,門口有得晾哂d野,好爽,呢個係宿營既好處。
由於太多乾糧,有士多都唔幫襯住。之後大家就入冷氣房過冷河直至晚飯。
7點就出返士多食飯。4餸一湯,仲有啤隊,大滿足。
食完仲有電視睇,不過只有cable。
食完飯,吹多陣水,11點鬆d大家已經想瞓,一熄燈,唔夠兩秒,dino已經傳來鼻鼾,如果唔用誇張手法,應該係 – 一熄燈,唔夠五秒。Billy呢一刻,確信dino比自己更強。
可能瞓左兩日硬地又冇冷氣,呢一晚真係瞓得好好好好,如果晚晚都有咁既睡眠質素就Perfect。
2011年8月7日
相關遊記: 豁出去獨木舟漫遊
Pages: 1 2