豁出去獨木舟漫遊 (四) 橫洲、火石洲
相關遊記: 豁出去獨木舟漫遊
一覺醒來，驚覺4日旅程已經到左last day，不過，Last but not least，今日既路線估唔到反而係最高衝擊。
8點就醒真係悲，不過為左今日可以去盡d，唯有一早就出動，梳洗完就去食早餐，咩料，響郊外人人都咁早起身ga咩?
執好哂野，係時候出動了。
成功落水，一野就放棄左橫洲既東岸，直接去左氣穴。
所謂既玩，只係響艇上面望，不過之後好後悔。
呆左響度等左5分鐘，睇左幾次氣穴噴水。
橫洲都幾好，又多位上岸，又大風大浪，極多海蝕地貌，適合玩荒島系露營好想響呢個石灘露一露
繼續繞橫洲西面行走，去到最南面終於見到橫洲角洞，不過大浪，唔可以撐埋d。
橫洲我覺得下次再去白腊時可以精研，所以今次就唔再同佢糾纏落去，下一站又直接去火石洲好了。
一離開橫洲水域，就見到好大既一個關刀洞，超大個就咁睇好似穿到既咁，有理冇理直指關刀洞!!!
埋到關刀洞，咁大個洞冇可能pass唔到wr，試下深入先，未到洞邊四圍既石壁已經起哂白頭浪，再加埋強大既水流要穩住艇身都好難，要努力壓水平衡先keep得住，再埋多d，真係唔得鳥，果種洶湧絕唔係我呢種hea友可以抵擋，不過呢個狀態要回頭都唔易，只可以入後波，如果呢個時間有個唔生性既大送尾浪就all blood了….成功脫出，只能為自己又出一次放棄技而自豪。
火石洲都算少黎，穿洞收皮，繼續綑火石洲，由南面過，不停見白浪打黎大去，個畫面壯觀起來，再到個洞既出水位，有大小旋渦攪黎攪去，咁穿出黎死幾次都唔掂，呢一段可算係4日trip入面最大風浪既體驗了。
兜埋去沙塘口山， 雖然已經有歸心似箭既症狀出現，不過都要為完成度服務一下，向未行過既東岸進發~ 呢個時間已經勁肚餓，望住沙塘口山東南面有一段石灘，就以此為目的地上岸大休!
撐左兩公里黎到石灘，水漲實在太勁，個灘好淺，仲偶有白浪，上岸應該好麻煩，又give up，有人提議壅缸大休，ok又出發。
不過呢個時侯小芯提議水上Lunch，可惜比一班嫌麻煩唔理佢HP已經係零嘅人否決左，咁既環境大家都認為只可以遺棄佢響海中心。
青雲突然衝出黎獻殷勤一野，駛出拖艇技救亡，正所謂有便宜唔駛洗頸，拖艇不如拖艇排~~ 最後一嘗一艇拖三排既安全行進模式，成功登陸壅缸灣again!!
又到壅缸，一樣係勁多人。飽餐之後已無心響壅缸hea了，人多船多，都係早閃為妙，時間都仲係三點幾，就咁返去都係心有不甘，大家決定滘西可樂一番~
今次旅程最最最後既一個check point喇。滘西偉明士多居然爆滿，咩料，好在唔係黎食野，一場黎到，搵個老友吹兩咀先。
既然滘西偉明士多爆滿，我地就去左沖身先，我都唔知點解要沖身，不過大家沖，我都沖，其實可能大家都唔知點解。
買支保礦力水得就去左和風亭坐，好好風，好Relax囉。臨落水撞到古浪聚之友，吹幾句又行人了~
終於返到斬竹同滘西之間既遊艇航道，畫面起碼有30隻艇，有排等….
一個四日三夜橫跨西貢港島大陸嘅旅程就此完美完成!
2011年8月8日
