籮箕灣露營、水口掘蜆記

睇天文台話是日三點退盡，約巴打11:30響東涌等，諗住食野買野兩點就可以起手掘，點知巴打夜夜笙歌，要遲個半鐘先出發，結果去到水口都3點半~~ 

到東涌先去大食代搵食(今時今日大食代已經執左)，免得又墮進”麥記開始麥記終結”既魔咒。食完響taste買齊野食，攪掂就上NLB 11號出發。

過左長沙，要開始留意落車位，我地今次先去掘蜆，其實應該過左塘福，到水口球場就落車，咁就兩分鐘到泥灘。

可惜我地一直搭到水口村先識落車，要由士多行田中小路前往……

咁樣去法，要留意海邊既士多，會有牌介紹前往方法。

有摸蜆工具出租，唔知幾錢，我地就自己帶左把剷仔，簡單就好，不過都建議帶定對勞工手套會比較好。

田中小路好多牛屎，盡量唔好咁去。食食食，all all all。

大約15分鐘到達水口泥灘， 已經有唔少人響度掘緊。

如果有留意kite surfing 呢個運動，水口係一個好出名既聖地，今日都有好多人響度玩同上堂。唔知點解，我地求其將個大背囊放上櫈仔就出動，掘掘下先醒起… 應該擺上石灘先arm， 又攪一輪~

不過收獲都唔錯，一起剷都有3，4隻入手，可惜唔太大隻，細嘅都係放生把啦，走人。

石灘隔離有間士多，原來士多側就係球場了，一分鍾就上返馬路了 。

到馬路就行返去水口村。水口村搵間士多作入camp前既最後補給，$6/包 375，買左6包，入埋保溫袋，十分之爽，成晚都有凍飲~

開始入camp之路，半個鐘唔駛又到營地，先見到充沛到不得了既水源，洗下面先講野。

旱廁 x 1，營位數目有8個，當然係愈近海愈開揚愈搶手，我地呢日黎冇人，就任我地揀了。

個個營地既setting 都有d 唔同，有d有晾衫架，有d有污水穴，而各張檯櫈既高度都好唔同 。

今次二人成團，出兩個一人營，好有私人空間。

由神話時代起只出現過數次既天幕，由於tao gor 既入手而終於有得用，可惜環境太好，綠樹成蔭，到第二朝都冇彰顯佢嘅遮蔭威力。

響taste同水口士多都猶豫買唔買炭，最後因唔想負重而唔買。響沙灘走一圈，執到唔少木材，心都定好多，今晚有飯開喇! 

曬冷一下食物，可能真係太熱，結果食剩好多野。

以前響白角見過老鼠，聽講籮箕都有，所有d 垃圾筒都加左網蓋，今次真係中到應一應，比佢響隻腳躝過一野，感覺好差。

燒野食之前，爭d唔記得幫d蜆吐沙，根據我上網既研究所得係用鹽同生油黎催吐，6點開始浸到10點，真係吐清哂，唔錯! 

麻油極速吐沙法 夏天是蜆最肥美的季節，很多人都喜歡走入梅窩水口掘蜆，然後即場由士多老闆烹調或帶回家才炮製。但自家製的煩惱是要處理蜆內的沙，坊間提供的吐沙方法有很多，最常用的是在水中加入海鹽浸蜆，但這方法最少要浸上一個小時以上。其實最有效又快捷的方法，是將洗淨的蜆以筲箕盛載浸在水中，然後加少許麻油或生油，這樣蜆就會在半小時內極速將沙吐出，而蜆沾上麻油後，炒起來會更香。 (原文自On.cc)

吹完水， 睇埋漫畫好三點幾先瞓得著，不過就好好瞓，可惜8點幾比tao gor 播放電影既聲嘈醒左。早餐係尋晚冇食既腸加烏冬

回望籮箕灣，已經想再黎encore了。望住鳳凰山強勢回程。

經過水口村路口邊既殘車一架，響愛慧小築門口巴士站等車強勢收皮。