全程海景 – 龍蝦灣郊遊徑

尋晚夜入想話影星瞓左半個鐘，發一陣呆，天都開始光，就起步上大嶺峒。

行完龍蝦灣郊遊徑其實都不過4km，最慘係要行一大段馬路先可以走人，其實去到清水灣道已經可以上車，我就要去相思灣有野攪，又要行多一公里。

起步時D雲仲未散，睇日出同星星一樣係Mission Impossible，疊埋心水行下山把啦。

春天行山雖然濕濕地，不過勝在D花花草草都好靚。

開段要捱一陣石屎路，路上遇到蝙蝠一隻，以為佢瓜左，行到埋去都郁左兩郁，Good Luck。

過左開段石級路就轉入山徑，踩落真係舒服好多。

Zoom力有限，係影到咁多。

由大坑墩上大嶺峒(291m)比較斜，一個鍾已經到頂。

一路落山可望到相思灣景色

落到山腳前開始見到馬術訓練中心。

郊遊地點係呢後郊遊徑嘅最後一站，有人響度吸收天地靈氣。

食埋最後一底雞蛋仔，補充一下體力。

大休完又走人，沿馬路出有見到小灘

行到迥旋處，勝記士多旁清水灣道直行就可以搭91號巴士返鑽石山。

路線總結: 短短地一條2.3km嘅郊遊徑，輕鬆得黎有個山上，沿路都有海景睇，由布袋澳、火石洲一帶去到牛尾海一帶都睇哂，如果夾啱時間仲可以上頂睇出日添。