行山露營電子書免費借！

講起免費借書，第一時間當然醒起政府圖書館，話哂年年有交税，去借下書睇都好合理，不論你最鐘意係行山定係露營，喺未可以出發嘅日子，其實圖書館都可以幫你頂住癮先。

去親圖書館一諗起借走啲書好重，加上借完仲要搵日攞去還，都係打完書釘就算了，不過其實香港都有電子圖書館，所以大家都可以入去睇下有冇書啱。

雖然已經出左幾年，不過身邊真係唔少朋友知呢個電子圖書館，今次介紹嘅HyRead就可以睇到香港圖書館嘅唔少書籍，一於介紹比大家啦。

因為HyRead同時適用於好多其他圖書館資源，所以安裝之後揀返香港公共圖書館，用圖書証或者身份証號碼Login就OK，咁不過當然要你有圖書証先啦。

舉例你係行山友，輸入「登山」二字已經揾到好多書，如果想收窄旅遊範圍更可以揀生活消閒，如果你夠好奇，想睇埋其他類別仲有咩書，不妨揀「所有」然後先Search。

揾到想借嘅書，梗係睇下係咪你想睇嘅野先啦。試看功能可以比你睇頭嗰十頁八頁，應該都夠睇下個目錄同埋頭十零廿版，唔啱睇就梗係走頭啦，啱嘅話就借咗佢慢慢睇。

留意返雖然今時今日圖書館已經可以借成十本書，不過電子版因為版權問題就只比你同時借兩本，每本六日。

睇返有「可借冊數」，如果有直接撳借就ok，如果話書架上冇書就要預約了，咁有書時就會email 通知你，十分方便。

行山書嘅年份好重要，新有新睇舊有舊睇，Click入本書時可以見到出版時間搵返自己想要嘅資料。

雖然電子版嘅書數同實體圖書館都爭幾遠，不過去旅行都係輕便啲好，帶部tablet 就有書睇，最緊要係唔駛驚前人整污糟本書。咁方便，大家快啲Download啦！

文｜涉水步行