fbpx

$24 買到乜?吹氣枕頭一試難忘

以前去露營,為咗追求輕量化 (其實係騰出多啲位放其他無謂嘢),講到枕頭都慣咗用堆衫放入放水袋就算,不過講真又唔係幾好瞓,因為次次個位都唔同,而且瞓唔駛一陣又變哂形,實非長遠之計也。



所以最近開始物識一下有咩枕頭好用,就喺呢個時候比我見到迪卡濃呢個價值$24大元嘅吹氣枕,即刻入手唔諗,趁住去Camp 即刻試試!

約用4啖大氣就成功吹漲個枕頭,睇返個形狀中間個凹位非常好,厚度仲相當唔錯,一瞓上去有返多少家的感覺,打側瞓都幾舒服,值得推介一下。

同充氣地蓆一齊卷埋,下次就唔會唔記得帶啦

唔駛三十秒就吹漲

有呢個厚度,加埋中間凹位,一瞓上去有返多少家的感覺

由自製枕頭進化為呢個只係100克重嘅吹氣枕,剎那間提升瞓覺體驗,仲幫細佬由平時去 Camp 瞓唔著變成有覺好瞓,真係平生比過最抵嘅$24 蚊!

邊度買?— 迪卡儂旺角店 – 旺角雅蘭中心地庫

文|涉水步行



發表回覆

你的電郵地址並不會被公開。 必要欄位標記為 *