變化多端！SOTO最新一人Cookset

而家唔少戶外用品都將多功能發揮到極點，買新cookset亦唔再滿足於幾個煲一個煎pan咁簡單。行City With Out Door，見到呢個最新SOTO一人自私cookset, 咁靚仔又啱哂孤僻成性嘅小弟，即係攞上手玩下先！

首先Size細細對玩Ultralight嘅朋友嚟講已經好吸引，一打開原來總共有一個煲兩個杯，三個都可以放喺爐上面燒。

同Jetboil一樣，由於係一人前，想煮公仔麵的話就要啪開個麵分開煮，又或者煮飯食都得。

咪睇兩個杯仔細細冇乜特別，除咗分比兩個人用嚟飲嘢之外，最吸引之處係可以組合成為一個Double Wall杯，飲熱飲都唔怕辣到手，加埋咖啡杯蓋用嚟嘆杯熱Cappuccino真係一流！

Double Wall嘅杯可以隔熱，大煲隔熱保溫一樣有方法，就係附送嘅Cookset套用銀色反光物料製造，保存內部溫度。

初步評價：實際上上手玩不過五分鐘，只可以話非常有購買意慾，因為同幾個去開露營嘅朋友都偏好用自己架餐。而Themostack Cooker Combo係啱啱好有齊必需用具，手感亦都硬淨，最後加埋個飲品蓋就更加係神來之筆！兩杯變一杯變化多端，店員更提醒如果唔帶杯，大煲可放置小型高山氣，對追求輕量化嘅朋友相當有吸引力，最後希望有更深入測試嘅機會。

# 產品型號 — SOTO ｜Thermostack Cooker Combo
# 整體重量 — 363克
# 邊度有售 — City With Out Door / protrek 保捷行
# 零售價格 — HKD $699