fbpx

隨時落水!摺疊獨木舟開箱

摺疊獨木舟唔算係咩新嘢,小弟第一次見相關產品都已經係十幾年前,不過當時計返港幣講緊要成兩萬幾蚊,並唔係一個普通獨木友會出手嘅價位嚟。返到嚟今日,偉大嘅淘記提供咗真係易入口好多嘅摺疊獨木舟選擇,幾千蚊有交易算係咁啦。



最近唔怕喺淘記賴嘢入咗呢隻「飛漂」牌摺舟,立即整個開箱文比大家睇下睇下成件事係咩一回事!

有四個Size,買入嘅係330*55cm

摺起係放得入的士尾箱嘅尺寸,諗起落車去到海邊求其落水就興奮。

 

拆開包裝見入面部件唔多,唔睇說明書其實都砌得掂。

 

原設計靈感來自日本摺紙工藝,簡單打開已經係一隻「舟」型



 

加上Seat位後再收緊繫以帶將艇面接合

 

最後加上穩固用嘅配件,獨木舟裝配完成!艇倉圍邊可以配合防浪裙使用。



由包裝袋取出去到裝起Ready to water ,第一次玩要諗下影下大約20分鐘,熟手啲相信大約10分鐘內完成。

我諗唔只係我,大家睇到淘記買獨木舟到底穩唔穩陣有好大疑問,不過就算係用歐洲頂級貨都一定要小心同埋做足安全準備,當然全程要著救生衣!

實際Set完一次,感覺上幾扎實冇話會鬆開嘅感覺。因為摺起真係好輕,所以都有衝動帶出國玩下,不過首先當然喺香港玩餐飽同測試下先,下次就同大家分享下第一次落水嘅情況!

Author Profile

Oscar Kong
Oscar Kong

2 thoughts on “隨時落水!摺疊獨木舟開箱

發表回覆

你的電郵地址並不會被公開。 必要欄位標記為 *


請讚好【野遊物報】專頁!