夜行唔係事必用頭燈，電筒加燈夾一樣得!

大熱天時，想行山又唔想熱到大汗疊細汗，我會選擇夜行，睇住夜景行山有另一番感覺，仲好有探險feel添!唔似得啲夜視能力超強嘅高手，筆者夜行會選擇用頭燈，勝在光線同視線完全同步，仲可以騰出雙手，減少好多唔方便。不過當同隊友傾談時就好容易直射對方，被射果個會好不爽。

早幾個月行夜山睇日出時見過有山友張電筒置喺腰間，佢話好在唔駛引哂啲蚊去個頭度，咁又係喎。不過當時冇深究點Set響腰，今日行鋪驚見呢個小工具 – INOVA LITE HOLSTER STRETCH，一於介紹下。

扣喺背囊腰帶、皮帶都得，重點係置於比較貼身及少晃動嘅位置，當然亦唔好阻礙活動。

因為係360度轉向的，可以按照路況調校角度。同頭燈原理一樣，上斜時可以Set向高少少，平路路段可指向低角度。

燈夾彈性極大，適用於不同大小的電筒或其他工具。

講到尾，燈夾同頭燈既係取代品，亦可以係共同品。要輕量化當然可以選其中一樣，如果配合使用亦可以擴大整個照明範圍，在使用時可以配合路況及喜好決定最佳照明組合