德國Ledlenser推出「可能係最頂級嘅營燈」原價$720｜特價$638

今時今日，有一種露營叫舒適，去Camp要食好住好唔在講，連個光亮度都要去到自在級別先至滿足，所以照明就係小弟升級裝備嘅首選，有盞好嘅營燈自然有一種莫明嘅安全感，一開著成個人放心哂，講嚟講去其實咪又係怕黑囉，我認嘅。最近以頭燈電筒馳名嘅德國品牌Ledlenser推出呢個品牌第一盞營燈ML6，睇規格參數其實已經遠遠拋離其他對手，一攞上手玩一陣真係唔捨得放低，為咗佢，嬲嬲地趕喺七月十四之前去個Camp一試佢實戰威力。

一盞咁多模式咁多功能嘅營燈個外殼當然唔會失禮，首先整體感覺硬淨，塑膠燈罩夠厚身想像到唔容易爛，而且燈罩係用專利折射設計，保留最大透光度嘅同時又唔會燦眼，淨係個罩已經咁吸引，其功能就更加叫人期待。

【Ledlenser ML6  限時 ‧ 獨家發售 2018年9月17日至20日】

750流明 成功模擬屋企電燈

以前試過用1200流明嘅單車燈去camp,係就係好爆光，不過一來光源比較集中，二來唔覺意望到真係即時失明咗幾秒，始終唔可以當營燈用；唔係話流明愈過愈好，不過好多市面上嘅營燈都係150-300流明，果啲放入營用靠帳身布料嘅反射係ok 的，如果一班朋友想喺營外坐住草地吹下水就顯得暗暗沉沉，又或會忍唔住要開埋頭燈先夠用。

足夠嘅亮度無可否認係小弟揀選營燈嘅第一考慮，而呢個正正係ML6嘅最大賣點，正常操作可以開到550流明，而製造商有一個令人好驚喜嘅設計，就係當你有非常大嘅需要下可以爆上750流明，而呢個最強模式會喺1分鐘後自動回到550流明，令到電池可以支持更長時間。

去完個Camp返到屋企，好好奇如果放喺屋企用又會點呢，決定模擬一下ML6嘅亮度同散射能力有幾誇張。一試完真係好誇張決定以圖片說話：

多種擺放方式提高照明範圍

咁當然流明度高並唔係大哂，如果只係用個底座放喺地下，個照明範圍都係好有限，仲會令到令到放高左嘅嘢有個好強烈嘅陰影，所以大家都好努力咁諗辦法升高營燈嚟增加佢嘅照明範圍。ML6 唔單止喺頂端同底部都有掛勾比你掛營掛Fly掛樹枝，另外仲有而家好興嘅磁吸，揾唔個好位就有一嘢吸落去！不過講到最正我就覺得係雲台位，比有帶腳架去camp 嘅朋友輕輕鬆鬆就set去高位，再玩盡啲，更加可以配支八爪魚腳架，就更加客易set高佢啦！

營燈夠光梗係好啦，不過入左營又未必要咁光嘅，有啲時侯dim暗佢就啱哂。長按開關調校亮度絕對唔係新鮮事，不過無論校光定暗，去到盡處 ML6都會用閃三閃嚟提醒然後固定亮度，比起有啲技術簡單嘅營燈按盡就自動熄埋燈，每次都要好有技巧先tune到就好好多。另外用過Ledlenser 照明系列嘅朋友，應該都知佢大部份燈具都設有紅燈，ML6 都一樣唔例外，係少見有紅燈嘅營燈，無論係睇星抑或去camp都要做夜貓，又唔想燦到人，紅燈模式就最啱用。

呼吸浪漫氣氛mode

以為轉下亮度轉下色就完？梗係仲有嘢玩啦。第一次見呼吸mode 呢個term時，係有一種用嚟做乜嘅感覺，不過當親身喺營地開過之後，又覺得幾好feel，如果同男女朋友去Camp，咁有情調嘅環境真係要好好自制一下。呼吸mode仲可以應用喺白燈同紅燈上，要咩氣氛自己揀。既然咁暢順嘅呼吸mode 都做到，求救棋慢閃同超強爆閃兩種模式當然都難唔到ML6，要點閃法自已話事。

雙向充電

同某手持風扇一樣係用超長氣嘅18650 3200 maH電，如果計天黑開始開550流明，到12點乖乖地去瞓，ML6 嘅電量其實都只係用咗一半，咁仲有一半電可以點用呢？當然係可以推到750流明光上加光，又或者善用佢雙向充電設計，幫你手機或者平板充個靚電！親身試左ML6輸出，10分鐘已經幫電話充左7%，呢個速度同電量，絕對唔止應急咁簡單。

評測總結

其實睇完佢嘅光亮度同尺寸嘅對比，已經可以大膽講句係市面少見嘅正嘢，再加上功能多多尤其是紅燈功能更加令佢適合不同場景使用，最後就連放置方式都為用家考慮得夠哂徹底，務求提供更多方法比大家將ML6 set去最啱自己嘅高度。我會話ML6係我見過最頂級嘅營燈，值得入手。

嚟緊又快到秋天，又係時候升級一下啲營具，即日起Wildwidegear 同 Ledlenser 合作銷售ML6，原價$839而家只需$699 (免運費) 就可以速遞至順豐站 / 順便智能櫃，有興趣嘅朋友即刻填妥以下資料，確認付款後將於兩個工作天內寄出！

ML6｜原價 $720 ｜ 特價 $638