露營專用! 紙箱焗爐DIY教學

有好多朋友對紙箱焗爐有興趣，所以小試牛刀，做了一個可以實際用的小焗爐，比大家可以參考一下我地嘅做法。

焗爐確係幾好玩。建議去到先整會好一點，不然要好小心咁帶去營地。

要去戶外先整紙箱焗爐嘅嘅話，緊記要帶齊材料同用工具。

工具包括:錫紙、剪刀、紙箱、支架 紙箱 (有蓋的紙箱會比較好，如A4紙箱會比較好;如用無蓋的紙箱，可以用錫紙包好一塊可平放箱頂在為蓋的用途。今次係選用了一個連蓋紙盒，做直立式焗爐，我地都係選用廢物利用既紙箱)

支架製作:

今次作示範所以使用竹簽，一般建議用金屬製的串燒針作支架，可於daiso 12蚊店買到，長短自選，上次我地係採用長款，長款可和A4紙箱配合用，長度是剛剛好的啊。

畫功確係有待改善，不喜就ignore。

先在紙箱上拮洞口，可以容易讓支架穿過。

如果有帶筆可以先mark 位再拮，無嘅話唔會做唔到嘅，憑感覺拉條直線啦。如果唔夠水平就會影響到放食物上支架時會斜斜的，有倒塌危機。

由於今次我地製作雙門設計，所以要先鎅開，所有設計要在紙箱上剪裁的，要在舖錫紙前做好。

整個紙箱內面都要有錫紙覆蓋好。

舖好之後便可以把支架都放好，基本上已經完成了！留意最底層的是放炭！

焗爐使用前要多拮幾個洞，好讓爐內有足夠氧氣，等啲炭繼續燃燒製造高温。

炭要小心處理，先好似平時BBQ燒著炭，然後要等明火熄滅後，會見到炭還是呈現火紅色先可以在焗爐中使用！紙箱焗爐概念係利用炭既温度焗熟爐內食物

放在焗爐內的廚具必須要耐熱，可入焗爐！

可以使用較薄的不銹鋼、銻質的食盆更好。

當然要留意你們食盆大小和所做焗爐的大小配合啊。

如果發現烤焗過程中不夠熱力，速度減慢，有可能要再重燃炭火。

留意盆子的大小！(我們用的都是在Ikea、daiso買到的)

盆子不要和烤箱一樣大，要多給一點空間做空氣流動 食物才可以受熱喔。好像上圖一樣我們盆子的四邊都可以讓炭熱上升！

放好食材可以蓋上蓋子焗食物囉..

雞翼易熟又易食，好過烤雞！