新界西山友喜訊！連鎖山店進駐元朗YOHO MALL

無論你住邊區，好多時買戶外用品都走唔甩要去行下旺角先心息，不過隨住而家網上資訊爆燈，好多時上網已經睇哂產品所有介紹，有哂心水再落鋪頭親手玩下件裝備，再挑戰下店長嘅專業知識就可以拎件禮物返家，所以有間種類齊全而又喺屋企附近嘅裝備店真係好好㗎，正所謂時間就係金錢吖嘛。

Osprey、Scott等等世界級戶外裝備品牌嘅香港代理Re:echo最近喺元朗千色附近間鋪唔見咗，原來係搬左去Yoho Mall，對西鐵友嚟講真係天大喜訊，出站落雨都唔駛擔遮就到咗真係冇得輸。唔只係就腳咗，鋪面嘅空間感都大咗好多，咁先可以比班裝備控Freedom住咁行。

震憾優惠：新鋪開張當然要比啲開心優惠炒旺個場啦，今明兩日就可以用特價$199購買原價$445嘅PETZL Tikka XP 頭燈！限售30個有興趣就早啲去買喇！

而且新張期內，正價產品同精選產品有9折，仲可以JOIN做埋會員(價值$500)，買夠$300 仲送求生繩添，另外仲有唔少裝備都特價發售，落車唔駛出汗淋雨就可以買到咁多心水裝備，點都要去睇下先講嘢啦！

我諗唔少朋友都行過下Yoho啦，又有戲睇又有嘢食都叫應有盡有，不過陪女友行街時就覺得心靈空虛咗些少，咪就係因為一直少咁間Full Range嘅山店囉。不過從今以後喺漫長嘅陪睇衫過程中，呢間新店就會成為我心靈嘅一處避風港，仲可以買嘢慰勞一下辛苦陪行嘅自己添！

最後再睇下小弟喺新鋪發現啲咩好玩裝備啦~

Reecho專業戶外旅遊裝備店(元朗店)地址｜元朗朗日路 8 號形點 ll L2 A213 號鋪
營業時間｜星期一至日(上午11時30分至晚上9時)
電話｜3791 2648