fbpx

用剩幾多即刻知 — 小小設備輕鬆檢查電量

今次想介紹嘅裝備同之前有啲唔同,以前講嘅都係帶上山用嘅,今次呢樣建議放喺屋企就得,每次出發前用一用就最好不過喇。



話說如果啲裝備唔係用鋰電,小弟一般都係用叉電池,環保得嚟又平啲,不過都總會帶多一Set電去有備無患一下。不過好似頭燈呢啲嘢,有時行到用完叉電池都仲未天光,就要用返後備電池去推啦,好多時因為咁未用哂就收得埋,到下次又唔知有幾多剩,唔通就咁掉咁大徙咩,咁下次出動又帶埋去再加一Set後備電,呢個愈帶愈多嘅無限輪迴唔講得笑。為咗斬斷呢個惡性循環,終於入手呢個只值幾蚊雞嘅「電池測試儀」,從此用幾多剩幾多都叫心裡有個底咁囉。

機身指示邊種電可以攞嚟測

 

手上呢款可以Check到3A、2A同埋9V電,基本上滿足到一般營燈頭燈等等裝備

 

機背都有溫提講返幾多V嘅Range係正常,好似小弟呢啲文科出身嘅都唔駛死記



 

淘寶同樓下五金都有大量選擇
又咁講其實喺屋企用途就更多,好似啲遙控呀,鬧鐘呀咁,最好玩係喺大掃除時喺家中一角執到粒電,一Check就知是Keep是掉,幾高效率先得㗎~

發表回覆

你的電郵地址並不會被公開。 必要欄位標記為 *