每人都要有一個嘅 — ｢極輕｣ 緊急營帳

作為一個Solo 兼 Ultra Light 傾向嘅 Camper，成日都想搵一個簡簡單單就起好，當然更加係超輕嘅營啦。而對玩跑營嗰班大哥大姐嚟講，就更加係愈輕愈好添啫。

直至最近有山藝朋友介紹呢個Mont-Bell 輕量緊急避難帳U.L. Zeltz，居然只重230克，睇落個結構簡單過乜，不過又真係做到一個營應該做到嘅功能。

叫得做緊急營帳，當然唔可以期望佢又通風又挺身，但係佢嘅簡單結構又真係比你可以隔絕出面嘅環境。

最簡單嘅起法就係用一條拉直嘅繩穿過營身再加營釘，可以話係教材式嘅緊急露宿setting; 跟住亦可以如圖咁，用行山杖做pole起又得。

睇完自己都心動，花咗好一陣再睇睇有冇類似嘅更好選擇，又真係揾唔到，比較接近嘅居然已經係名震一時嘅X-Rocket, 不過喺駛用上都有幾大分別。

X-Rocket始終係一個結結實實嘅營，Zeltz對大部份人嚟講，應該係一件以備不時之需嘅求生用品，而本文起題【每人都要有一個嘅｢極輕｣ 緊急營帳】就正正係指，呢個營除咗啱玩Ultralight嘅朋友，每個行山人士都應該帶個喺身以防萬一，可惜嘅係香港現時冇行貨，有興趣嘅朋友要去外國買喇。(官方網站：https://en.montbell.jp/products/goods/disp.php?product_id=1122518)

另外大家見得最多，喺香港最易買到嘅就係呢款求生膠袋 (約港幣$70)，都係一個唔錯嘅選擇。