DIY 無價，紅酒箱改造！戶外專用「變型整理箱」

近日接觸不少重裝露營友，好多裝備都令小分嘆為觀止，油燈、巨Fly兼而有之，不過始終DIY嗰份心機先至係最吸引我。咁啱又見到台灣露營製作咗呢個更全面更實用嘅「整理箱」，立即借相來公儲同好~

紅酒箱可朔性相當高，一直以來都有唔少人用嚟DIY層架、櫃桶等等。

今次台灣朋友Jackey Hsieh就用嚟改裝做露營用「變型整理箱」。其實設計一啲都唔複雜，睇相你已經知要點整，考嘅係你嘅熱情、耐性同動手能力~

點解叫「變型整理箱」？因為本以為簡單一個箱，點知原來可以有好多變化！

加上摺疊腳架除咗令整理箱遠離地面，更加有空間放入籃子，進一步增加置物空間。

終極完全變形版本現身！就咁睇已經知佢儲存空間真係唔少，最重要嘅係可以將露營用品放置得井井有條，而且係好Stylish咁添！

雖然話香港主流嘅露營都係Backpack玩法，不過隨住私人營地同埋拉車玩法嘅興起，相信見到愈來愈多人喺香港用呢一類重裝生活品味裝備嘅日子都唔會太遠~

資料及相片提供： Jackey Hsieh