fbpx

向即棄膠樽說不! 行山用金屬水樽的5大原因

很多山友貪方便會直接於便利店購買塑膠樽裝水去行山,原因可以有好多,好似唔想由屋企揹水揹到去西貢、又或者屋企根本冇水樽,甚至你屋企係鉛水重災區,咁我都幫你唔到,只可以講下即途樽裝水有咩唔好處比大家知。

很多山友貪方便會直接於便利店購買塑膠樽裝水去行山,原因可以有好多,好似唔想由屋企揹水揹到去西貢、又或者屋企根本冇水樽,甚至你屋企係鉛水重災區,咁我都幫你唔到,只可以講下即途樽裝水有咩唔好處比大家知。

其實於山藝課堂時好多教練都不鼓勵學員用即棄膠樽,包括買同埋重用都好, 亦有部份阿Sir堅持使用金屬水瓶呢?咁原因係乜呢?

★ 1.不製造垃圾

塑膠樽帶上山有機會衍生隨手丟棄,好聽啲可以係甩手跌左,於山上製造不必要的污染,最主要係塑膠的自然分解期可以長達數百年,即係如果有人亂掉一個,就要幾代人去為佢承受後果。唔好以為掉一個半個冇乜野,你睇年年有幾多隊人上大東山執垃圾都仲執極都有,就知真係幾大獲。

其實唔好亂掉大家都明啦,打出黎都不過係抒發一下,會亂掉垃圾嘅人都唔慌會睇到呢篇文。

(好似咁樣甩手甩左上去係咩玩法)

★ 2. 防爆防裂

行山最驚就係冇水飲,去行山露營,個袋Pack到實一實,脆弱的膠樽有機會於背包受擠壓,又底者失平衡跌到而受到撞擊時破裂,好地地一支水就咁漏哂出黎攪到無水可飲。

★ 3. 放心長期使用

重用即棄膠樽看似是環保啲,但另一方面塑膠水樽於多次使用過後都有機會於材質老化後釋出有毒份子BPA,長期接觸會損害健康,所以有建議如果係多次重複使用的膠質熱水樽,例如嬰兒用奶樽,在使用半年後都需要更換。因此在高溫下都不會釋放BPA的金屬水瓶就更加理想。雙酚A (Bisphenol A, 簡稱BPA)全球年產量高達64億磅,是重要的有機化工原料,具有質量輕、透明性佳、耐衝擊性、可耐熱等特性,即PC產品,包括嬰兒奶瓶、兒童玩具、可重複使用的杯子水壺、可微波的食品容器。但有研究指出BPA可能導致人類生殖道器官病變,嬰兒和胚胎尤其可能受到危害。

★ 4. 擋風煮食

再來講講山藝方面的看法,曾經在不同文章都提過「一物多用原則」,金屬水瓶能為爐具作風擋使用,以增加燃料效益。用三至四個1L以上的金屬水瓶置放於當風位,擋風效果明顯。其金屬特性使得可當作風擋使用,不過要留意必須先把膠質的蓋打開放氣。同時會附帶把樽內的水加熱,於寒冷的日子多飲暖水可以保暖。

★ 5. 當暖水袋用暖粒粒

都係一物多用原則,將熱水加入金屬水瓶再用衣物包裹好就成為一個暖水袋放入睡袋內可以暖粒粒咁瞓。唔好睇少呢個暖水袋,特別於寒冷的日子在山上或戶外環境,如果身處的地點沒有檔風處防止體溫流失,能夠有外力(暖水袋)幫幫忙,比起單靠自己體溫於睡袋取暖效果係差好遠。

金屬水瓶使用心得

1. 螺旋瓶蓋可鎖緊而不漏,但有機會因為熱脹冷縮而致瓶蓋轉不開,一些傳統設計的瓶蓋有堅固的環,除了用來扣住背囊、防止熨手外,仲可以拾取樹枝穿過蓋環,以摃桿原理動扭動把水瓶打開。

2. 金屬水瓶除了裝水,當然仲可以貯存其他液體,包括露營煮食會用到的燃料。大家可以買些不同顏色的金屬水瓶作區別避免誤認而一野飲左燃料落肚。

例如:
銀色的用於食水
藍色的用於裝酒精
紅色的用於裝白電油

發表回覆

你的電郵地址並不會被公開。 必要欄位標記為 *