超平Double Wall杯，有蓋冇蓋任你揀
提起Double wall﹐相信各位戶外玩家諗起嘅唔會係中空隔音牆，而係隔熱杯，甚至日日夜夜比hashtag相洗腦而浮現嘅Snow peak不鏽鋼杯個樣。
咁當然double wall絕對唔係咩專利技術，有時一個普通玻璃杯都係double wall啦。而終極平價都有戶外用品賣嘅Aeon Living Plaza﹐就有兩款任君選擇。
一款杯身拉絲處理，摸落有質感，明顯貴氣啲；
另一款平平實實，外形麻麻，勝在跟埋個蓋，喺戶外有個蓋防止啲蚊蟲走入去都幾好ga﹐加你五十分。
有樣嘢要彈下嘅就係兩款個手柄個樣真係唔得，又冇得摺起又膠感，如果都用返金屬感覺會好好多。
By the way 以上兩款每隻都只係$25﹐可以話係實實際際壓倒一切，對重量、外形、品牌唔高要求嘅話可以一諗。
邊度見到？AEON Living Plaza屯門店 — 新界屯門屯順街1號屯門市廣場1期1樓
