USB充2A / 3A電池‧充電過程大簡化！

環顧一下各件戶外裝備，雖然大部份要用電嘅都已經內置鋰電化，不過總有一件半件仲要用2A電嘅， 好似小弟咁，搵下床下底原來仲有唔少服役中嘅燈具，好似頭燈、防水電筒仲有營燈都就係係用緊2A電喇。

作為支持環保嘅野友當然時刻提醒自己唔好嫌麻煩唔充電啦，不過用充電座充電嚟講真係好易會唔記得，到出發之前兩日唔記得充就只好買即棄電池了。

今次介紹返可以直接用USB充電嘅2A電，就係好似平時幫電子產品充電咁用Micro USB頭就充到，好處除咗喺屋企可以充，而家就連你上咗山都可以用Power bank嚟充，唔駛攪到帶咗裝備但係冇得用啦！

另外仲有呢下面呢款直接用大USB頭去插座或Power bank充電嘅版本，可以話任君選擇。

野遊物報純粹今次介紹比大家，如果有興趣買或者了解多啲，可以搜尋：「USB 充電池 5號」