可能係「最實際」嘅隨身飲管

喺飲管插海龜、各大快餐店相繼唔主動派發一段時間之後，相信好多野遊物報嘅讀者們都用緊自己嘅私家飲管啦，小弟都用過幾款，包括摺疊管、不秀鋼管、矽膠管咁，玻璃管就傳聞太多唔係幾敢用，結論係各有缺點，一係太長攜帶唔方便，一係就清潔麻煩。即係咁，如果出一日街，次次飲完甜嘢都要比水沖再用刷刷，再洗返支刷，係大大減小使用嘅意欲嘅。

即係話對小弟而言容易清潔加攜帶方便就係重點，誓估唔到今日見到朋友攞呢支喺Pacific Coffee 得到嘅｢贈品｣，就咁聽落竟然完全乎合我嘅要求！

成件事其實就係可以隨時劏開支矽膠飲管嚟清潔，又隨時砌得返埋，個概念真係無得輸，至於實際操作呢，又即刻試試佢。

因為造工真係唔錯，個卡位都比到人信心唔會漏水，管身有一定硬度唔會軟賴賴，而且矽膠材質容易屈曲收藏，再加上清潔實在太簡易，可以令使用頻率大為提高，個人認為佢可能係「最實際」嘅隨身飲管。

想得到佢嘅話，你可以去Pacific Coffee以$38入手，又或者增值$300入PC嘅會員卡就送比你，值得考慮！