充電AA電兩用‧高階頭燈夜行必備—Ledlenser MH5

今次野遊物報專員Janet Kung為大家做一個開箱測試，要介紹嘅呢就係呢個來自德國嘅高階頭燈—Ledlenser MH5。

包裝入面有MH5機身、大容量 14500充電池、充電座及說明書。

既然係試燈具，第一時間當然係著燈嚟睇睇，撳一下就係20 流明再撳多下就係400流明輸出，日光日白見到400流明嘅威力都唔嘢少。

Janet因為除咗行山亦都相當多機會會跑山，所以特別留意頭燈各方面嘅舒適度。事關頭燈會唔會壓住額頭導致產生不適感、同埋頭帶會唔會容易鬆開對跑山嚟講都係好重要嘅。

MH5就冇呢啲問題，因為頭燈後方設有保留咗空間作透氣嘅黑色海綿墊，確保唔會黐立立；而頭燈帶亦採用特別設計防止鬆開，調教亦都十分方便。

最令Janet驚喜嘅就係頭燈可以輕易同頭帶脫離獨立使用，拆開之後就會見到 MH5 嘅body上面係有筆夾式設計，可以畀佢夾喺褲袋、背囊孭帶或者衣領上。

有啲人唔鍾意用頭燈，因為夜晚開頭燈會吸引昆蟲，而喺眼前飛就令人相當唔舒服，有時甚至要熄燈自保添，所以有啲人會選擇掛喺身上面，而MH5就可以唔需要另加配件嘅情況下，已經可以做到呢個功能呢個應用！

Ledlenser MH5仲有一個重要功能叫做「旋轉式快速變焦」，只要透過扭動頭燈上面嘅變焦環，就可以瞬間改變頭燈嘅照明範圍，調校至「束光」或者「散光」都係一擰就得！

Janet做認為 MH5表現非常之理想，而且十分欣賞佢可以用充電池14500或者2A電推動，因為就算唔記得叉電都可以喺出發前買得到，又或者向同行朋友都可以借用得到。值得注意嘅係，如果想用最大嘅400流明輸出，就只有使用14500時先做到了。

而且因為MH5嘅設計簡單，冇電線或者電池盒呢一啲部件，整體就更加簡約同埋乾脆俐落。