細細隻「口袋營燈」‧多項特點夠吸引

一直以嚟營燈比你一個點樣嘅慨念？仲係大大舊玻璃罩，點燈紗嘅汽燈，還是一大堆LED燈泡？

Ledlenser 自ML6起已經採用緊湊式設計，細細個已經可以有600流明嘅輸出，體積同光猛程度完全唔成比例，亦都成為小弟露營必備之選。

一年後見到Ledlenser推出令人驚喜嘅同系列ML4，細細隻，第一眼仲以為係ML6嘅模形嚟添！攞上手著燈嗰下感覺相當不可思議，不過認真測試之後，發現佢絕唔止一盞營燈咁簡單，而且仲有唔少驚喜添！

營燈閒閒地要開一晚，有時去兩三晚嘅話，電量就更加要計清楚。所以兼容多種電源就最好不過。

ML4基本使用14500充電鋰電池，不過都可以用常見嘅2A電。最大嘅好處當然就係喺鋰電池用完之後，除咗可以即場用Power Bank充電，更快捷嘅方法當然係換入2A電續航啦。

一般充電營燈採用USB Type A插頭，而ML4就少見咁應用專用磁吸線。除咗接駁更加快捷，更加有效減少插頭嘅磨擦而帶嚟嘅耗損。意想不到嘅係磁吸線接駁之後非常之穩陣，真係要用啲力先可以掹得開，就算喺行進途用中充電都唔容易甩線！

作為一盞營燈，可以懸掛係一個看似簡單而又大有必要嘅功能。除咗掛喺營入面，樹技、燈架、營柱，統統都係營燈嘅掛點。ML4除設有掛勾，更加係一個活扣，使用上自然更加靈活。

一個唔錯嘅用法係夜行時，開紅燈模式勾喺背囊，可以為後面嘅行友作提示，去到目的地容易取用，立即轉為白光mode作為營燈使用。

野外應用嘅燈具其實係非常需要有紅光同埋白光，因為紅光對眼球嘅刺激遠低於白光，但係白光喺照明視野方面就有絕對優勢。

而且無論係紅光定係白光ML4都有兩段光度嘅調節，加上兩者都有閃燈模式，適合喺唔同嘅場合使用。

例如喺觀星嘅時候用紅光照明就可以減低瞳孔嘅適應時間，更加大大減少對其他人嘅騷擾。

雖然好多追求終極輕量化嘅Camper，從來都唔會帶營燈上山，一個頭燈走天涯，不過相信都唔會否認營燈帶嚟嘅舒適感同安全感。而家只有70克重量嘅ML4面世，應該可以吸引到唔少輕量友入手，而其他camper就更首唔會介意再輕一點吧！

好多人買燈具嘅時候呢都會問一個問題，就係光度係幾多？而流明用留名就係亮度單位。Ledlenser ML4 擁有300流明。雖然相比起旗艦級別嘅ML6係稍有距離，但係如果用一般營帳或者有天幕作為反光嘅情況下，其實係相當之足夠。

產品名稱｜Ledlenser ML4
產品規格