輕鬆去露營！香港7個最正親子營地

今時今日露營已經唔一定係限只辛辛苦苦身水身汗，再起個營先得，坊間唔同嘅組織甚至非牟利團體都有開設非常之家庭Friendly嘅營地，兩手fing fing模式亦已經深植入帶住小朋友又想Camp又想保留體力陪囡囡仔仔放電嘅家長心崁之中。

加上相對易去嘅政府營地，今次就為大家介紹7個親子營地，比大家好好計劃呢個唔算太長嘅秋天露營季去邊玩好！

01｜長洲西園

市面上有好幾個私人農莊，不過有去過去朋友都會知道，長洲西園可以話係最正嘅一個，事關無論設施、整潔度及環境都係一流。仲有一點就係安全感，唔只係講緊有24小時保安，仲有係預訂時嘅安全感，好似酒店一樣有哂預約系統，有冇營位一online就知。五個營區邊個有位邊個冇位一睇就知，唔駛估估下。

✅ 另有歷奇及一家大細活動
✅ 大部份營帳設有冷氣
✅ 24小時冷熱飲用水
✅ 海景日落
✅ 觀星勝地
✅ 24小時冷熱水淋浴室
❎ 位於長洲交通需時

? 西園香港長洲西灣｜☎️ 2981 1010｜? Saiyuen.com

青年旅舍推出兩手fing fing去露營計劃唔係新鮮事，不過勝在擁有絕色海景而且定價夠親民。另外鄰近摩星嶺軍事遺址，邊行山邊了解歷史最為適合。

✅ 鄰近摩星嶺軍事遺址
✅ 醉人海景
❎ 營位較少

? 香港島薄扶林摩星嶺徑123號｜☎️ 2788 1638 ｜?www.yha.org.hk

向來浪高都係主打玩水，所以夏天大受歡迎，其實佢嘅豪華露營都十分吸引，尤其係夠哂外國feel嘅露營車。另外由於貼近沙灘，聽住海浪聲小朋友可能特別容易入睡。

✅ 適合熱愛水上活動人士
✅ 露營車夠特色
❎ 位於長沙交通需時

? 香港大嶼山長沙下村29號｜?longcoast.hk

每次行到西壩，除咗見到好多朋友喺度玩風帆，偶然仲見到營帳添，其實你都可以只要申請就得喇，尤其是流星雨等天文現象嘅時候，呢個出名低光害嘅地方就大受歡迎。

✅ 有專車往返西貢市中心
✅ 水塘美景
❎ 預約營位不易

? 西貢萬宜水庫西壩｜☎️ 2792 6810 ｜?www.lcsd.gov.hk

就喺出名又靚又幅員遼闊嘅赤徑，落船就會見到有樓梯直上白普理堂，Set 好個場之後又可以遊山玩水，肯定夠玩足一日一夜！同樣備有兩手fing fing露營玩法，雖然赤徑大草地亦適合露營，但考慮到帶同小朋友前往，無論洗手間抑或人口密度，都建議白普理堂為更佳選擇。

✅ 鄰近赤徑，有豐富自然生態
❎ 收費營地而言設施稍覺殘舊

? 西貢赤徑｜☎️ 2788 1638 ｜?www.yha.org.hk

灣南灣西對露營友而言絕對唔陌生，首選當然係南營地，大草地、小沙灘及內灣海岸等大家追求嘅景觀應有盡有，不過正因如此亦都長爆，而由此兩地相隔僅十分鐘步程，所以西營地就成為咗好多人心目中嘅後備營地。

屬漁護署營地，無需收費，當然亦要自給自足。

✅ 大型洗手間及淋浴室
❎ 營友甚多，喜愛寧靜者宜於平日前往

康文署管轄營地，免費營地而言受歡迎程度與灣南齊名，但由於交通更為方便吸引了不少自遊行充當酒店入住。近年已經應用預約機制情況稍有改善。位於海灘之上，一家大細前往可戲水玩沙，讓小孩盡情放電！

✅ 貝澳村有不少食肆，補給容易
✅ 鄰近老人山、貝澳河，適合郊遊
❎ 與沙灘共用洗手間及露天淋浴設施

秋天已經過咗一半喇，想同家人一齊親親大自然就快啲出動啦！