重裝野餐玩法！小型廚房穩陣又方便
近年愈來愈忙碌，要好似前個個月去兩次 Camp 真係冇乜可能，於是乎轉投野餐玩法，不過一張墊一籃食物又點滿足到YY小編呢一顆熾熱嘅露營魂呢。
於是乎都緊隨文青腳步加入重裝野餐玩法，又玩出一個自問幾完整嘅Setting，當中仲有一套小型廚房組合推薦比大家，文章最底仲有一個至抵優惠益大家，又睇下啱唔啱你用？
首先，野餐嚟講我認為最最最最重要嘅就係遮太陽，尤其是已經踏入夏天嘅今日，可以涼住咁食吓嘢，同埋有個基地用嚟攤抖當然係非常重要啦。帶長方形大Fly一張就鐵定冇錯，如果唔記得帶營柱、營釘、營繩就自己承受悲情嘅後果啦。
前後用 Triton S714 天幕試過幾個Setting，其實都各有好處，不過先旨聲明，兩個落地嘅Setting 都只限平Fly / 舊Fly 先好試，咁墊地法塊嘢一定唔長命。
(1) 放地下直接當地墊用 — Triton S714 太長，反覆試用之後係要對摺先舒服同冇咁阻掟，呢個真係最求其嘅用法；
(2) 用兩支 SCOTT RC 3-PART RUNNING POLE 行山杖架起，半截Fly落地 — 高度有限，同埋冇走風位，萬一食應風向就非常考驗各部份嘅品質及技術了，好處就係又有天幕又有地墊囉；
(3) 傳統起Fly方法 — 如果唔需要為墊地操心，當然係用返呢個又通風又大面積遮太陽嘅方式嚟起啦。不過呢一次就用咗普通鋁合金Pole做營柱，大舊都不特只，仲要為偷輕而少帶一節，換來就係的150 cm 唔夠高嘅苦果。下次再戰一定係用返 Snowline Carbon Pole 210cm Black，碳纖營柱輕又長，想好用係冇得慳。
成功遮好太陽，野餐嚟講當然要有張似模似樣嘅檯，食個包都就手啲。YY小編是個俗人，廣受歡迎嘅Snowline L5 亦都係自己嘅至愛，就係貪佢喺尺寸、重量及伸展性各方面都兼顧得好好。尺寸同重量今次唔多講了，咁何謂伸展性呢？就係當你入手Snowline L5時，得到嘅其實唔只係一張檯仔，仲有配合其他情況擴充使用嘅空間，無論人多人少，高手下廚抑或悠閒輕食，梗有一個Setting 啱你。
未親手Set 起之前，呢個 Snowline 小型廚房組合 Carbon Table L5 Black + Snowline Rocket Boom Stove + Snowline Cube Burner Plate Black，只令我覺得幾得意，估唔到一試難忘，每一部份都組合得天衣無縫，最重要嘅係安全，嵌入式檯面爐設計將打翻嘅可能性減至最低，升高至檯面亦令到煮食更加得心應手。不過要去到接近完美，我會建議你用 Snowline Cube Corner Plate Black 再連接多一張 L5 做Prep Table，總之就視乎自己嘅「負重」同埋「負擔」能力而定啦。
既然有張咁四正嘅檯，唔通會坐地下咁攰咩，當然要加埋張 Snowline Alpine Slim Chair XL ，比普通摺櫈高身少少，成巧解放膝關節嘅壓力。不過介紹返，對三歲細路嚟講真高咗少少。
剛開始提過會有優惠益大家，就係指 Carbon Table L5 Black + Snowline Rocket Boom Stove + Snowline Cube Burner Plate Black 呢一套小型廚房組合會以低至 $1490 嘅破天荒價發售，再送多一個Re:echo Dream Pillow 全新設計手動充氣枕頭 或者 Lifeventure 多用途清潔劑 比你。
原價 $1698，組合優惠價 $1590，恒生信用卡優惠 $1490 (須輸入優惠碼 HSMAY 及使用恒生Visa 或 Master 信用卡)
不過只限5套咋，要買真係要快手！ >> 立即購買
最後介紹多幾樣一樣適合露營 / 野餐用嘅產品比大家：
Thermacell MR-450 驅蚊機 — 野外話冇蚊你都唔信啦，做好準備一家玩得開心啲，簡單一部機覆蓋範圍去到200呎，親身測試開著之後真係冇蚊埋身。(裝備連結)
LIFESTRAW FLEX 個人淨水器 — 點解去野餐都要帶淨水器？除咗戴唔夠水都可以飲水喉水之外，Flex 軟袋設計令佢可以將水唧返落Cookset，更加放心咁用嚟煮食，有小朋友嘅人相當會更加體會到佢嘅重要。(裝備連結)
Opinel No.6 經典木柄摺刀 — 如果有心去開爐煮食，一把有鎖嘅安全摺刀一定可以令你大展所長。(裝備連結)
Snowline Outdoor Hard Andoizing Cookset 2-3 ASSORT — 有煎 Pan 、大細煲及其他用具，同為Snowline出品嘅 Cookset 好駛好用！ (裝備連結)
